Kryeministri i Britanisë së Madhe,Boris Johnson, ka barazuar aksionet ushtarake të presidentit të Rusisë, Vladimir Putin, në Ukrainë me veprimet gjenocidale të Sllobodan Millosheviqit në Kosovë më 1999-ën.

Johnson këtë krahasim e ka bërë përgjatë një mbledhjeje në parlamentin britanik, duke thënë se i njëjti agresion është parë nga dy akterët diktatorial.

Videoja është shpërndarë në ‘Twitter’, nga gazetari turk Abdyl Vehab, në një transmetim direkt të BBC-së.

Boris Johnson in Parliament says Putin is the same as Milosevic and that the mystical union Milosevic used between #Kosovo and Belgrade is similar to Russia and Kiev.#UkraineRussiaCrisis pic.twitter.com/8zaRhIEkDg

— Abdylvehab (@abdylvehab) February 24, 2022

“Pikërisht e njëjta marrëzi që tregohet për bashkimin mistik mes Kosovës dhe Beogradit, mes Kievit dhe Moskës, saktësisht i njëjti agresion dhe mos harroni se Sllobodan Millosheviqi vdiq gjatë gjykimit”, tha ai./arbresh.info/